अहिल्यानगर जिल्हा बँकेच्या अध्यक्षपदी निवडीनंतर सुजय विखेंची सत्यजित तांबेंनी घेतली भेट
लोणीत सत्कार करत दिल्या शुभेच्छा!
अहिल्यानगर : अहिल्यानगर जिल्हा मध्यवर्ती सहकारी बँकेच्या अध्यक्षपदी निवड झाल्यानंतर भाजपा प्रदेश उपाध्यक्ष तथा नवनिर्वाचित अध्यक्ष डॉ. सुजय विखे पाटील यांचे अभिनंदन करण्यासाठी राजकीय नेत्यांच्या भेटीगाठी सुरू झाल्या आहेत. याच पार्श्वभूमीवर आमदार सत्यजित तांबे यांनी लोणी येथील विखे पाटील यांच्या निवासस्थानी सदिच्छा भेट घेतली.

यावेळी आमदार सत्यजित तांबे यांनी डॉ. सुजय विखे पाटील यांचा सत्कार करून त्यांना पुढील वाटचालीस शुभेच्छा दिल्या.
या भेटीदरम्यान राजकीय, सामाजिक तसेच सहकार क्षेत्रातील विविध विषयांवर दोन्ही नेत्यांमध्ये मनमोकळी चर्चा झाली.
जिल्हा बँकेच्या अध्यक्षपदी निवड झाल्यानंतर सुजय विखे पाटील यांची भेट घेण्यासाठी विविध राजकीय नेत्यांची व पदाधिकाऱ्यांची रीघ लागली असून, सत्यजित तांबे यांच्या या भेटीची राजकीय वर्तुळातही चर्चा होत आहे.

