पोलीस ठाणे गांधी चौक ची कारवाई, 02 लाख 95 हजार रुपये किमतीचे 07 मोटरसायकल जप्त.
मोटरसायकल चोरीचे चार गुन्हे उघड.
पोलीस अधीक्षक श्री. सोमय मुंडे यांचे आदेशान्वये अपर पोलीस अधीक्षक डॉ. अजय देवरे, यांचे मार्गदर्शनात जिल्ह्यातील पोलीस स्टेशनला घडलेले मालाविषयक गुन्हे उघडकीस आणण्याकरिता ठाणे प्रभारी अधिकाऱ्यांना सूचना व मार्गदर्शन करण्यात आले होते. पोलीस स्टेशनला दाखल असलेल्या विशेषतः मोटारसायकल चोरीचे गुन्हे उघडकीस आणण्याकरिता विशेष पथके स्थापन करून गुन्हे उघड करण्याचे प्रयत्न सुरू आहेत. त्याच अनुषंगाने पोलीस ठाणे गांधी चौक चे पोलीस निरीक्षक सुधाकर देडे यांच्या नेतृत्वात गांधी चौक चे विशेष पोलीस पथक माहितीचे संकलन करीत असताना, माहिती घेत असताना सदर पथकाला माहिती मिळाली की, मोटारसायकल चोरीच्या गुन्ह्यातील गुन्हेगार चोरलेली मोटरसायकल घेऊन कान्हेरी चौक परिसरात फिरत आहे. सदर पथक तात्काळ कान्हेरी चौक परिसरात पोहचून रोडवर मोटार सायकलसह थांबलेल्या इसमाला विश्वासात घेऊन विचारपूस केली असता सर्व काही उघड झाले.
तसेच त्यांच्या ताब्यात असलेल्या वाहनासंदर्भाने विचारपूस केली असता सांगितले कि, सदरची मोटर सायकल शासकीय वैद्यकीय महाविद्यालय परिसरातून चोरी केली आहे. तसेच काही महिन्यापूर्वी लातूर शहरातील विविध ठिकाणाहून आणखीन 6 मोटारसायकली चोरी केल्याचे सांगितले. एकूण सात मोटारसायकली ज्याची एकूण किंमत 02 लाख 95 हजार रुपयाचा मुद्देमाल हस्तगत करण्यात आला.पुढील तपास पोलिस करीत आहेत.
