चुरमुरा येथे वीज पडून २१ बकऱ्या मृत ,सुदैवाने मनुष्य हानी नाही 59 शेळ्या बचावल्या.
सर्वत्र बकरी ईद उत्साहात साजरी होत असताना यवतमाळ जिल्ह्यातील उमरखेड तालुक्यातील चुरमुरा येथे अचानक आलेल्या वादळ वारा व विजेच्या कडकडाटासह पावसात झाडावर वीज कोसळून झाडाखाली असलेल्या १७ बकऱ्या व ४ बोकड मृतपावले . ही घटना चुरमुरा शिवारात येथे दुपारी तीन वाजता च्या दरम्यान घडली सुदैवाने यात मनुष्यहानी झाली नाही . उमरखेड तालुक्यातील चुरमुरा येथे आज दुपारी अडीच ते तीन च्या दरम्यान अचानक सोसाट्याचा वादळी वारा सुरू झाला यात विजेच्या कडकडाटासह पाऊस सुरू झाल्याने पावसापासून बचावासाठी काही बकऱ्या मोहाच्या झाडाखाली गेल्या . नेमकी त्याच वेळी झाडावर वीज पडून 21 बकऱ्या मृत्युमुखी पडल्या .चुरमुरा गावातील बंजारा तांडा येथील समाधान फुलसिंग राठोड हा बकरी चारक 80 बकऱ्या घेऊन चरण्यासाठी जंगलात गेला होता . यामध्ये चुरमुरा येथील जवळपास 17 शेतकऱ्यांच्या बकऱ्या मृत झाल्या असून मोलमजुरी करून बकऱ्या घेऊन संगोपन करणाऱ्या पोटाची खळगी भरणाऱ्या या शेळी मालकांवर मोठे संकट ओढवले आहे . बकरी ईदच्या दिवशी आलेल्या संकटाने हळहळ व्यक्त केल्या जात आहे . घटनेची माहिती मिळताच तहसीलदार राजू सुरडकर यांनी पशुवैद्यकीय अधिकारी डॉ . कुंभारे समवेत घटनास्थळाला भेट दिली .व तात्काळ मृत झालेल्या सर्व बकरी व बोकडचे शवविच्छेदन करण्यात आले . या सर्व पशुधारकांना आता सरकारकडून मदतीची अपेक्षा आहे . .
उमरखेड यवतमाळ ब्युरो
