साहित्यरत्न अण्णाभाऊ साठे यांच्या जयंती निमित्त सुट्टी जाहीर करा लहुजी साळवे बहुजन क्रांती सेनेची मागणी
परभणी : साहित्यरत्न लोकशाहीर अण्णाभाऊ साठे यांच्या 1 ऑगस्ट रोजी साजरा होणाऱ्या जयंती दिनानिमित्ताने शासकीय सुट्टी देऊन
त्या दिवशी देशी व विदेशी दारूचे दुकाने बंद ठेवण्यात यावी या मागणी करता आज परभणी जिल्हाधिकारी कार्यालयासमोर लहुजी साळवे बहुजन क्रांती सेना यांच्या वतीने थाळी नाद आंदोलन करून परभणी जिल्हाधिकारी यांना निवेदन देण्यात आले.
सदरील निवेदनात असे नमूद करण्यात आले आहे की साहित्यरत्न लोकशाहीर आण्णाभाऊ साठे यांची जयंती एक ऑगस्ट रोजी राज्यसह देशभरात साजरी केली जाते त्या अनुषंगाने त्यांच्या जयंतीदिनी महाराष्ट्र शासनाने शासकीय सुट्टी जाहीर करून देशी व विदेशी दारूचे दुकाने बंद ठेवावी त्यासाठी लहुजी साळवे बहुजन क्रांती सेना यांच्या वतीने अनेक वर्षापासून मोर्चे व मेळावे धरणे निदर्शने रास्ता रोको रेल रोको रक्तांच्या सह्यांचे निवेदन अशा स्वरूपाचे अनेक आंदोलन करण्यात आलेली आहेत परंतु सरकारने अद्यापही मातंग बहुजन समाजाच्या मागण्याची दखल घेतली नाही म्हणून साहित्यरत्न अण्णाभाऊ साठे यांच्या जयंतीनिमित्त सुट्टी जाहीर करून देशी व विदेशी दारूचे दुकाने बंद ठेवावी अन्यथा भविष्यात लहुजी साळवे बहुजन क्रांती सेनेच्या वतीने तीव्र स्वरूपाचे आंदोलन करण्याचा इशारा दिला आहे सदरील निवेदनावर मराठवाडा कार्याध्यक्ष अंकुश कांबळे महाराष्ट्र उपाध्यक्ष एम डी वाव्हाळ,
जिल्हाध्यक्ष गणेश घोडे ,युवा नेते विजय शेळके, काशिनाथ गायकवाड दिगंबर आगलावे, दिलीप सावळे, नागेश खंदारे,भारत पारडे,गोविंद कांबळे,लखन पवार,अमर ओव्हाळ आकाश अंभोरे, विशाल वाव्हळे,राजु सोनवणे,गणेश बोराडे, सूरज रणखांब बंटी बारसे, कृष्णा थोरात संतोष बनसोडे, आकाश क्षीरसागर यांच्यासह शेकडो कार्यकर्ते उपास्थित होते.
प्रतिनिधी राहुल वाहीवळ परभणी
