राळेगाव येथे महालक्ष्मी ज्वेलर्स दुकानात दरोडा आरोपींना काही तासातच अटक

राळेगाव येथे महालक्ष्मी ज्वेलर्स दुकानात दरोडा आरोपींना काही तासातच अटक.

राळेगाव शहरातील अनुपचंद जयप्रकाश वर्मा या सराफा व्यावसायिकाचे राळेगाव सराफा लाईन मध्ये महालक्ष्मी ज्वेलर्स नावाने दुकान आहे.तीन चोरट्यांनी गॅस कटरचा वापर करून दुकान फोडून दुकानातील सोन्या-चांदीचे दागिने ८ लाख ९४ हजार ३५० रुपयाची चोरी करून मालवाहू वाहनाने पळून गेल्याची घटना दि ११ जुलै रोजी पहाटे ६ च्या उघडकीस आली. सदर याप्रकरणी फिर्यादी अनुपचंद जयप्रकाश वर्मा यांनी राळेगाव पोलिसात दिलेल्या तक्रारीवरून अज्ञात चोरट्याविरुद्ध गुन्हा नोंद करण्यात आला होता.घटनेचे गांभीर्य लक्षात घेऊन पोलीस अधीक्षक यांनी स्थानिक गुन्हे शाखेला गुन्हा तात्काळ उघडकिस आणण्याचे आदेश दिले त्यावरून स्थानिक गुन्हे शाखेतील पथकांनी तात्काळ घटनास्थळ काढून घटनास्थळाची पाहणी केली आणि पोलीस ठाणे राळेगाव येथील अधिकारी अमलदार यांचे मदतीने तांत्रिक तसेच गोपनीय माहितीचे आधारे आरोपी नाजिम उर्फ बाबू खान असलम खान वय 22 वर्ष समीर खान हसन खान वय 27 वर्ष दोन्ही राहणार मोहसिन लेआउट डोरली रोड यवतमाळ सोहेल शहा शफिक शहा वय 22 वर्ष आदर्श नगर पांढरकवडा रोड यवतमाळ यांना ताब्यात घेऊन त्यांच्याकडे कौशल्य पूरक विचारपूस केली असता नमूद आरोपी त्यांनी सदरचा गुन्ह्याची कबुली दिली.व आरोपीकडून त्यांनी गुन्ह्यात वापरलेली महिंद्रा कंपनीचे चार चाकी मालवाहू वाहन क्रमांक एम एच 29 बी इ 1860 किंमत अंदाजे तीन लाख रुपये व एक मोटर सायकल क्रमांक एम एच 29 बी इ 7686 किंमत अंदाजे 90 हजार 3 मोबाईल किंमत अंदाजे 30 हजार गॅस कटर व सिलेंडर किंमत अंदाजे सहा हजार तसेच गुन्ह्यात चोरी केलेले सोन्या चांदीचे संपूर्ण दागिने किंमत सात लाख 40 हजार 350 असा एकूण 11 लाख 66 हजार 350 रुपये किमतीचा मुद्देमाल हस्तगत करण्यात आला असून उर्वरित मुद्देमाल हस्तगत करणे करता पोलीस स्टेशन राळेगाव यांचे कडून तपास सुरू आहेत सदरची कारवाई पोलीस निरीक्षक स्थानिक गुन्हे शाखा आधारसिंह सोनवणे,पोलीस निरीक्षक रामकृष्ण जाधव, सहाय्यक पोलीस निरीक्षक स्थानिक गुन्हे शाखा अमोल मुडे, पोलीस उपनिरीक्षक धनराज हाके,पोलिस अंमलदार योगेश डगवार,सुधीर पीदुरकर सुधीर पांडे,निलेश निमकर,उल्हास कुरकुटे,रजनीकांत मडावी,बबलू चव्हाण सोहेल मिर्झा किशोर झेंडेकर अमित झेंडेकर मिथुन जाधव तसेच पोलीस स्टेशन राळेगाव येथील पोलीस उपनिरीक्षक दीपक राणे,पोलीस अंमलदार गोपाल मास्टर,सुरज चिवाने यांनी यशस्वीरित्या पार पाडली आहेत.